Azərbaycan, Bakı /müx. Trend İ.Xəlilova / Azərbaycan İpoteka Fondunun səlahiyyətli bankı olan "Kapital Bank" öz ipoteka proqramının yaradılması üçün 10 mln. manat vəsait cəlb etməyi düşünür. Bu barədə bankın İdarə Heyətinin sədri Rauf Rzayev məlumat verib. Onun sözlərinə görə, artıq bir sıra beynəlxalq banklarla danışıqlar aparılıb.
"Kapital Bank"ın ipoteka proqramı üzrə illik faiz dərəcələri 10-12 faiz səviyyəsində olacaq və kreditlər 5-7 il müddətinə veriləcək. Aşağı faiz dərəcələrini nəzərə alan bank rəhbərliyi daxili ehtiyatların bu məqsədlə istifadəsini mümkünsüz sayır.
Beynəlxalq maliyyə institutlarının iştirakı ilə müvafiq proqramın hazırlığı bu ilin payızına kimi yekunlaşacaq.
