Azərbaycan, Bakı /müx. Trend İ.Xəlilova / Moskva - Azərbaycan Beynəlxalq Bankının İdarə Heyətinin sədri Fuad Abdullayevin verdiyi məlmata görə, Moskva - ABB orta müddətli istiqraz vərəqələri buraxmaq niyyətindədir. O qeyd edib ki, bu qiymətli kağızlar Rusiya müəssisələrinin cari əməliyyatlarının maliyyələşdirilməsi məqsədi daşıyır.
İstiqrazların buraxılışı 2008-ci ilə planlaşdırılıb, belə ki, müvafiq proses Azərbaycan Beynəlxalq Bankının beynəlxalq reytinq əldə etmək və xarici fond birjasına çıxış məqsədilə gördüyü tədbirlərdən biridir.
Abdullayevin sözlərinə görə, bank artıq "Fitch Ratings" və "Moody's" kimi iki beynəlxalq reytinq agentlikləri ilə danışıqlara başlayıb. Reytinqin bu il əldə ediləcəyi gözlənilir. ABB-nin avroistiqrazlar buraxması məsələsinə gəldikdə isə Abdullayevin sözlərinə görə, bankın rəhbərliyi bu il müvafiq addımlar atacağını bəyan edib. Onun sözlərinə görə, istiqraz vərəqələrinin minimum məbləği 500 mln. rubl təşkil edəcək.