Azərbaycan, Şəki /müx. Trend E.Hüseynov/ Azərbaycanın şimal-qərb regionunda şiddətli yağışlar yüzlərlə hektar əkin sahəsini məhv edib.
Hidrometeorologiya idarəsinin məlumatında bildirilir ki, yağıntıların böyük hissəsi regionun Balakən rayonunun ərazisinə düşüb və bu, aylıq normadan 32 mm çoxdur. Bu, Balakən, Katex, Kiş, Şin çaylarında daşqınlara səbəb olub. İyulun 14-də başlayan yağışlar iyulun 19-na kimi davam edəcək və Balakən, Katex, Kiş çaylarında daşqınları gücləndirəcək.
Balakən və Zaqatalanın icra orqanlarından verilən məlumata görə, daşqınlar sahilyanı ərazilərdə yerləşən əkin sahələrinə ciddi ziyan vurub, taxıl yığımına ziyan dəyib. Zaqatalanın icra orqanlarından bildiriblər ki, yağışlar taxıl yığımı zamanı ciddi problemlər yaradacaq.
Kiş çaynda daşqınlar Şəkinin su təsərrüfatında problemlər yaradıb.
"Şəki Su kanaltörəmə" ASC-nin sədri Bayram Məmmmədovun sözlərinə görə, daşqınlar Şəkinin suya olan tələbatının 80%-ni təmin edən Kiş çayının bəndini yuyub aparıb. Bununla əlaqədar olaraq şəhərin su ilə təminatında fasilələr meydana gəlib. Analoji vəziyyət Balakən və Zaqatalada da müşahidə olunur.
Şəki Bakıdan 320 km şimal-qərbdə yerləşir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
terakt_171018.jpg)
