Azərbaycan, Bakı, müx. Trend S.Babayeva/ Azərbaycan Kənd Təsərrüfatı Nazirliyinin kənd təsərrüfatı kreditləri üzrə Dövlət Agentliyi rəhbərinin müavini Famil Rüstəmovun cümə axşamı verdiyi məlumata görə, agentlik sentyabr ayına qədər kreditlərin verilməsinə başlamağı planlaşdırır.
Agentlik səlahiyyətli kredit təşkilatları vasitəsilə aqrar sahibkarlıq sahəsində çalışan fiziki və hüquqi şəxslərə güzəştli kreditlər verəcək. Onun sözlərinə görə, təşkilati məsələlərin böyük əksəriyyəti artıq həll olunub. Kreditlərin verilməsində vasitəçi kimi çıxış edəcək banklar müəyyən olunub. Bu banklara "Texnikabank", "Turanbank", "Rabitəbank", "Muğanbank", "Zaminbank", "Bank of Azerbaijan", "Gəncəbank", "Azərbaycan Sənaye Bankı" və bank olmayan kredit təşkilatı "İçraçı Kredit Agentliyi" daxildir.
Rüstəmovun verdiyi məlumata görə, kreditləşmə məqsədilə dövlət vəsaitlərinin təmin olunma ilə bağlı Maliyyə Nazirliyinə müraciət göndərilib. İlkin mərhələdə bu məqsədlə 5 mln. manatın xərclənməsi planlaşdırılır. Azərbaycan Nazirlər Kabinetinin sərəncəmına əsasən, kreditlər aşağıdakı istiqamətlərdə istifadə oluna bilər: kənd təsərrüfatı məhsullarının istehsalı və emalı, suvarılan torpaqların meliorasiyasını yaxşılaşdırmaq, irriqasiya avadanlığı ilə təmin edilmə, qida məhsulları sektorunun müasirləşdirilməsi və inkişafı, kənd təsərrüfatı texnikasının və kimyəvi maddələrin alınması, Kənd Təsərrüfatı Nazirliyinin pilot layihələri, heyvandarlıqda süni mayallandırma məqsədilə.
Agentliyin xətti ilə 2 il müddətinə min manat həcmində mikrokreditlər, 1-20 min manat həcmində kiçik kreditlər, 3 illik müddətinə 20-50 min manat dəyərində orta kredilər və 5 il müddətinə 50-200 min manat dəyərində iri kreditlər veriləcək.