Azərbaycan və Latviya banklar birliyi gələcək əməkdaşlığın çərçivələrini müəyyənləşdirir
Azərbaycan, Bakı / Trend müxbir İ.Xəlilova / Latviyanın Kommersiya Banklar Assosiyastyası ilə Azərbaycan banklar Assosiyasiyasıarası (ABA) arasında əməkdaşlıq haqqında müqavilənin imzalanması məqsədilə avqustun 20-23-də ABA-nın prezidenti Eldar İsmayılov Riqaya gedəcək. Bu barədə məlumatı çərşənbə axşamı Assosiyasiyanın icraçı direktoru Fərhad Əliyev verib.
Sənəd artıq ABA-nın rəyasət heyəti səviyyəsində razılanıb və imzalanmaya təqdim olunub.
"Səfər zamanı o, Latviya assosiyasiyasının prezidenti, bank təmsilçilərilə görüşəcək" - deyə Əliyev bildirib.
ABA aparatının nümayəndəsi Laviya banklar assosiyasiyasının iş mexanizmi ilə tanış olmaq üçün gələcəkdə də, Riqaya səfər edə bilər. Bu cür təkliflə iyunun 7-də Azərbaycanda səfərdə olan Latviya assosiyasiyasının prezidenti Teodoros Tveriyons çıxış edib.
Tveriyonsun Bakıya səfəri Azərbaycan Milli Bankının Latviyanın Azərbaycandakı səfirliyi ilə birgə təşkil etdiyi ipoteka krediti üzrə seminarda iştirak çərçivəsində baş tutmuşdu. Latviyalı qonaqlar öz ölkəsinin bu sahədəki təcrübəsi haqqında məlumat veriblər.
ABA həmçinin, digər ölkələrin banklar assosiasiyaları ilə ikitərfli əlaqələri qaydaya salır. İyunda Ukrayna və Belorusun banklar assostasiyaları ilə əməkdaşlıq haqqında müqavilə imzalanıb. Artıq Özbəkistan və Qazaxıstanla əməkdaşlıq layihələri hazırlanır. İmzalanma payızdan sonra təşkil olunacaq.
