Azərbaycan, Bakı / Trend , müxbir İ.Xəlilova / "Azerbaijan Coca-Cola Bottlers" şirkətinin baş direktoru Hamit Bozkurtun verdiyi məlumata görə, Azərbaycanda sərin içkilərin istehsalçısı olan şirkət Beynəlxalq Maliyyə Korporasiyasının 13 mln. dollar dəyərinə olan kreditini ödəyib. Vəsait məhsulun istehsalının inkişafı üçün nəzərdə tutulub və dörd illik bir müddət üçün təqdim olunub.
"Biz artıq digər kreditlərin cəlb olunmasına ehtiyac görmürük, belə ki, şirkət gəlirlə işləyir və gəlirlər hesabına istehsalın gələcək həcmi genişləndirilə bilər. Ötən il əldə olunan gəlirlər bir neçə milyon dollarla ölçülürdü vəC oca-Cola" -nın bu günə qədər əldə etdiyi gəlir hələ də ölkənin hüdudlarından xaricə çıxmayıb, yenidən sərmayə şəklində müəssisəyə yatırılıb" - deyə Bozkurt bildirib.
"Azerbaijan Coca-Cola Bottlers"in səhmdarları təkcə xarici borclarda yox, həmçinin beynəlxalq maliyyə institutlarının cəlb edilməsində də maraqlı deyil. Şirkət 1966-cı ildə Amerikanın "Coca-Cola" şirkətinin 10%-lik iştirak payı və Türkiyə səhmdarları tərəfinən yaradılıb ki, türk şirkətlərindən ən başlıcası isə "Anadolu Holding" şirkətidir ki, bu şirkət 50% iştirak payına malikdir.
