Azərbaycan, Bakı / Trend , müxbir S.Əliyev/ Avqust ayında Azərbaycanın quru ərazilərində fəaliyyət göstərən birgə müəssisələr və əməliyyat şirkətləri 11,1 mln. kubmetrdən çox qaz hasil ediblər, çərşənbə günü Azərbaycan Dövlət Neft Şirkətindən verilən məlumatda belə deyilir. Yanvar-avqust ayları ərzində birgə müəssisələr və əməliyyat şirkətləri 97 mln. kubmetr qaz hasil ediblər ki, bu göstərici də, ötən ilin analoji dövrünün hasilat göstəricisinə bərabərdir.
Qaz hasilatının ən böyük həcmi, yəni 31,6 mln. kubmetri "Kürsəngi-Qarabağlı" müqavilə sahəsinin işlənməsi ilə məşğul olan "Salyan Oil" əməliyyat şirkətinin, ən kiçik həcmi, yəni 29 min kubmetri isə, Seng-Li MMC əməliyyat şirkətinin payına düşür.
Birgə müəssisələr və əməliyyat şirkətləri tərəfindən 20007-ci ilin yanvar-avqust ayları ərzində faktiki qaz hasilatının cəvəli (min kubmetrlə):
| Birgə müəssisələr və əməliyyat şirkətləri | avqust 2007 | yanvar-avqust 2007 |
| Salyan Oil | 4161,096 | 31567,096 |
| Şirvan Oil | 2110,0 | 16846,0 |
| OK Qarasu | 366,957 | 3262,957 |
| Azgerneft | 20,0 | 190,0 |
| Anşad Petrol | 1325,097 | 18260,097 |
| Qobustan | 1941,963 | 18441,963 |
| Az.Seng-Li MMC | 0 | 29,0 |
| Binəqədioyl | 334,353 | 2987,353 |
| OK Qaraçuxur | 593,0 | 4367,0 |
| Suraxani Oil Operation | 285,208 | 1068,208 |
| Cəmi | 11 137,674 | 97019,674 |