...

Azərbaycanın iri "Şahdəniz" qaz yatağında daha bir qiymətləndirmə quyusu qazılacaq

Energetika Materials 14 Sentyabr 2007 16:23 (UTC +04:00)

Trend-i buradan izləyin

Azərbaycan, Bakı / Trend , müxbir S.Əliyev/ Cümə günü ARDNŞ-dan verilən məlumata görə, "İnam" perspektiv dəniz strukturunda kəşfiyyat qazma işlərinin başa çatmasından sonra, "İstiqlal" qazma qurğusu SDX-5 qiymətləndirmə quyusunun qazılması məqsədilə, "Şahdəniz" qaz-kondensat yatağına qaytarılacaq.

Mənbə bildirir ki, yeni quyunun layihə dərinliyi 7000 metr təşkil edir.

Avqust ayında Caspian Drilling Company BM (ARDNŞ 55%, Transocean Inc 45%) "Şahdəniz" yatağında SDX-4 quyusunun yan gövdəsinin qazma işlərini başa çatıdırıb. Hazırda quyunun qazma işləri qurtarmaq üzrədir.

Quyunun dərinliyi 7350 metr təşkil edir. Yan gövdənin qazıntısı 4050-4100 metr dərinliyində həyata keçirilib. Uzunuluğu, təxminən, 2700 metr təşkil edib. Yan gövdənin kəsiyi yeni quyunun qazıntısını həyata keçirmədən əlavə məlumatlar əldə etəməyə imkan verib.

"Şahdəniz" layihəsində hasilatın iştirakçı payına dair müqavilənin iştirakçıları BP (operator-25,5%), "Statoil" (25,5%), Azərbaycan Respublikasının Dövlət Neft Şirkəti (ARDNŞ 10%), "LUKAgip" (10% ), NİCO (10%), "Total"(l0%), və TRAO (9%) şirkətləridir.

Xəbər lenti

Xəbər lenti