Azərbaycan, Bakı / Trend , müxbir S.Əliyev/ Azərbaycanın "Kürsəngi-Qrabağlı" anşor yataqlarından neft hasil edən xarici iştirak payına malik iri əməliyyat şirkəti "Salyan Oil" 2008-ci ildə 6 istismar quyusu qazmaq niyyətindədir. Bu barədə çərşənbə günü şirkətdən məlumat verilib.
Quyularıın dərinliyi təxminən 3500 metr təşkil edəcək. Gələn il üçün şirkətin büdcəsi 45,5 mln. dollar səviyyəsində müəyyən olunub.
Gələn ilin iş proqramı rəhbər komitənin ötən günkü yekun iclası çərçivəsində müəyyən olunub.
Cari ildə şirkət biri kəşfiyyat quyusu olmaqla 6 quyu qazıb (biri ötən ildən qalmadır). "Salyan Oil"ın 2007-ci ildə büdcəsi 43 mln. dollar təşkil edir.
"Kürsəngi-Qrabağlı"nın işlənmə müqaviləsinin müddəti 25 ildir. Layihənin səhmdarları bunlardır: ARDNŞ - 50 faiz, 25 faizə sahib iki Çin şirkəti - "China National Oil & Gas Exploration and Development Corp." (CNODC) və CNPC (Hong Kong) Ltd. (CNPCHK).
