Azərbaycan, Bakı , 04 fevral / " Trend ", m üxbir V.Şərifov/ Azərbaycan Dövlət Neft Şirkəti (ARDNŞ) şəxsi neftini Dübəndi (Bakıdan 47 km şimalda yerləşir) terminalından dəmir yolu vasitəsilə Gürcüstanın Qara dəniz Batumi limanına ixrac etməyə hazırlaşır. Bu barədə bazar ertəsi ARDNŞ-dən bildiriblər. ARDNŞ nefti şəxsi vəsaiti hesabına quru və dəniz yataqlarından hasil edir.
"Hazırda neftin dəmir yolu vasitəsilə Batumi limanına nəqli üçün texniki hazırlıq işləri gedir. Biz Gürcüstan limanından 80 min ton dedveytlik tanker yükləməyi planlaşdırırıq" - deyə ARDNŞ-dən bildiriblər. 80 min tonluq neftin Batumiyə bilavasitə nəql olunması üçün 10 gün tələb olunur.
ARDNŞ sonuncu dəfə Dübəndidən 1999-cu ildə neft yükləyib. Neftin ARDNŞ terminalında dəmir yolu sisternlərinə doldurulması üçün Dubayın Middle East Petrol şirkətinin hazırladığı eskadadan istifadə olunacaq.
ARDNŞ Dübəndi terminalından Batumi limanına qədər dəmir yolu üzrə şəxsi neft ixracını başlamaq məcburiyyətindədir. Rusiyanın "Transneft" boru kəməri inhisarı Azərbaycana müqavilə şərtlərinə yenidən baxılması məqsədi lə Bakı-Novorossiysk boru kəməri üzrə neft nəqlinə dair mövcud nəqliyyat müqaviləsinin ləğv edilməsini təklif edib.
Nəqliyyat müqaviləsi 1997-ci ildə "Transneft" ilə "Azəri-Çıraq-Günəşli" yatağından yüngül neft hasil edən, həmçinin, Bakı-Novorossiysk boru kəmərinin operatoru olan Azərbaycan Beynəlxalq Əməliyyat Şirkəti (ABƏŞ) arasında bağlanıb. Müqavilənin yenidən imzalanması məsələsi "Transnef" tərəfindən qaldırılıb. Bu, 2007-ci ildə müqavilənin şərtlərinə rəhbərlik edən ABƏŞ-in müqavilə üzrə hüquq və öhdəliklərinin ARDNŞ -ə verilməsi barədə "Transneft" ə məlumat verməsindən sonra baş verib.
Bakı-Novorossiysk boru kəmərinin sahibi olan ARDNŞ - dən verilən məlumata görə, ABƏŞ və ARDNŞ "Transneft" ilə mövcud olan nəqliyyat müqaviləsinin yenidən imzalanmasına lüzum görmürlər. ARDNŞ Bakı-Novorossiysk kəməri ilə neft nəqlinə yalnız "Transneft"in sənədə müəyyən dəyişikliklər edilməsi təklifinə yol verməklə, Rusiya şirkəti ilə olan müqavilə bazasında nəql etməyə hazırdır.
"Biz əvvəlcədən bildirilmiş neft, həcminin, tədarükü üzrə müvafiq nominasiyaları "Transneft"ə göndərmişik. "Transneft" müəyyən olunmuş vaxtda hazırki müqavilə üzrə neft qəbuluna hazır olduğunu təsdiq etməsə, biz Bakı-Novorossisyk boru kəməri üzrə neft ixracını dayandırmağa və xammalı digər istiqamətlərdə göndərmək məcburiyyətində qalacağıq" - deyə ARDNŞ-dan bildiriblər.
ARDNŞ 1 tonu 15,67 dollar tarifi üzrə Bakı-Novorossisk boru kəməri vasitəsilə hər il 2-2,5 mln. ton Azərbaycan nefti nəql edir. Bu boru kəməri ilə ARDNŞ-nin şəxsi vəsait hesabına quru və dəniz yataqlarından hasil etdiyi neft və xarici iştirak payı ilə birgə müəssisə və əməliyyat şirkətlərinin onşor yataqlarından istehsal etdiyi xammal nəql olunur. ABƏŞ böyük həcmli xammalın Bakı-Tbilisi-Ceyhan boru kəmərinə yönəldilməsi ilə əlaqədar "Azəri - Çıraq- Günəşli" dən hasil etdiyi xüsusi neft partiyasını Bakı-Novorossiysk vasitəsilə nəql edir.
"Öz neft həcmini Bakı-Novorossiyskdən Ceyhan tenminalına, həmçinin, Batumi və Küləvi Qara dəniz terminallarına yenidən gönərmək üçün ARDNŞ bütün texniki imkanları var" - deyə ARDNŞ-dən vurğulayıblar.
Bakı-Tbilisi-Ceyhan boru kəmərinin ötürmə gücü il ərzində 50 mln. ton neft təşkil edir. Bu boru kəməri ilə "Azəri-Çıraq-Günəşli" yatağından hasil edilən Azeri Light növlü neft nəql olunur.
Boru kəmərinin nəql gücü kimya reagentinin tətbiq edilməsi və əlavə nasos stansiyalırın tikilməsi hesabına ildə 65 mln. tona qədər artırıla bilər.
Belə olan halda, BTC-nin nəql gücü ABƏŞ,ARDNŞ və 2011-ci ildən bu kəmərə qoşulacaq Qazaxıstan neftinin daşınması üçün kifayət edəcək.
ARDNŞ nefti şəxsi Küləvi (Gürcüstan) terminalından da ixrac edə bilər. Bu terminalın 2008-ci ilin birinci rübündə istifadəyə verilməsi gözlənilir.
