Azərbaycan, Bakı, 19 fevral/ Trend , müxbir V.Şərifov/ Azərbaycan Dövlət Neft Şirkəti (ARDNŞ) və Almaniyanın Wintershall şirkəti Azərbaycanın "Əşrəfi" perspektivli neft-qaz strukturunun birgə işlənilməsi haqqında razılığa gəlməyiblər.
"Wintershall "Əşrəfi" perspektivli strukturunu kifayət qədər cəlbedici hesab etməyib", - çərşənbə axşamı ARDNŞ-dəkı mənbə bildirib. İlkin qiymətləndirməyə görə, "Əşrəfi" yatağının ehtiyatı 35-40 mln. ton neft və 20-25 mlrd. kubmetr qazdır.
ARDNŞ və Wintershall ötən illin əvvəlində bağlanan memorandum əsasında danışıqlar aparıblar. Mənbə memorandumun müddətinin fevralda bitdiyini və şirkətlərin onun uzadılmasına ehtiyac görmədiklərini bildirib.
Bir müddət əvvəl Wintershall "Əşrəfi" strukturunun "Qarabağ" perspektivli strukturu ilə birləşdirilmədən işlənilməsini qeyri-effektli saydığını bildirib. Lakin ARDNŞ Wintershall-ın birləşdirmə haqqında təklifini qəbul etməyib və "Qarabağ" yatağını öz vəsatiləri hesabına işləmək niyyətində olduğunu və onu digər sahə ilə birləşdirməyi planlaşdırmadığını bildirib.
