Azərbaycan, Bakı, 04 aprel / Trend / Cari ilin birinci rübündə Azərbaycan Dövlət Neft Şirkəti (ARDNŞ) dövlət büdcəsinə 254 mln. manat köçürmə edib. Ötən ilin analoji dövründə bu göstərici 190 mln. manat təşkil edib. Bu barədə ARDNŞ-nin məlumatında bildirilir.
Mart ayında ARDNŞ dövlət büdcəsinə 2007-ci ilin analoji dövrünün 77 mln. manatına nisbətdə 82 mln. manat köçürmə edib.
Dövlət Sosial Müdafiə Fonduna cari ilin birinci rübündə 23,6 mln. manat köçürmə aparılıb. Bu göstərici 2007-ci ilin analoji dövründə 16,6 mln. manat təşkil edib.
ARDNŞ - nin dövlət büdcəsinə köçürmələri üzrə cədvəl:
Min manat ilə.
| Ay | 2007-ci il | 2008-ci il | Fərq |
| Fakt | Fakt | Fakt(2007-2008) | |
| Yanvar | 51381 | 92712 | 41331 |
| Fevral | 60846 | 79786 | 18940 |
| Mart | 76751 | 82049 | 5298 |
| Cəmi | 188978 | 254547 | 65569 |
| Dövlət Sosial Müdafiə Fonduna köçürmələr | |||
| Yanvar - mart | 16650 | 23627 | 6977 |