Azərbaycan, Bakı, 09 aprel / Trend , müxbir A.Bədəlova/ ABŞ-ın Energetika İnformasiyaları Dövlət İdarəsi (EİA) dünya üzrə neftə olan tələbatın 2008-ci ilin 86,58 mln. bareli ilə müqayisədə 2009-cu ildə sutkada 1,31 mln. barel olmaqla 87,89 mln. barelədək artacağını proqnozlaşdırır.
Proqnozlara əsasən, İqtisadi Əməkdaşlıq və İnkişaf Təşkilatına (İƏİT) daxil olmayan ölkələrin neftə olan tələbatı cari ildə sutkada 37,53 mln. barel təşkil edəcək. 2009-cu ildə tələbat sutkada 1,17 mln. barel olmaqla 38,7 mln. barelədək artacaq.
İƏİT ölkələri 2008-ci ilin 49,05 mln. bareli ilə nisbətdə 2009-cu ildə sutkada 49,19 mln. barel neft istifadə edəcək.
EİA-nın qiymətləndirmələrinə görə, İƏİT ölkələrinə neft tədarükünün həcmi 2008-ci ilin 21,12 mln. bareli ilə müqayisədə 2009-cu ildə sutkada 21,32 mln. barel təşkil edəcək.
İƏİT-ə daxil olmayan ölkələrin neft tədarükü isə 2008-ci ilin 65,56 mln. barelinə nisbətdə 2009-cu ildə sutkada 0,82 mln. barel artaraq 66,32 mln. barelə çatacaq.
Bu il neftin dünya üzrə tədarükünün həcmi sutkada 86,68 mln. barel təşkil edəcək. Proqnozlara əsasən, 2009-cu ildə neft həcmi sutkada 1,02 mln. barel artaraq 87,70 mln. barelə çatacaq.
Energetika İnformasiyaları Dövlət İdarəsi ABŞ-ın Energetika üzrə Departamentinin statistika agentliyidir və1977-ci ildə Konqres tərəfindən yaradılıb.
Müəlliflə əlaqə saxlamaq üçün elektron ünvan: [email protected]
