Azərbaycan, Bakı, 07 may/ Trend , müxbir A.Bədəlova/ 2008-ci ildə dünyada neftə olan tələbat 1,2 mln. barel artaraq sutkada 86,61 mln. barelə çatacaq. ABŞ Dövlət Energetika İnformasiyası İdarəsi (EİA) belə proqnoz verib.
EİA-dan çərşənbə günü Trend -a bildiriblər ki, tələbatın artması Çin, Yaxın Şərqin neft hasil edən ölkələri, Rusiya, həmçinin, Braziliya və Hindistan kimi İqtisadi Əməkdaşlıq və İnkişaf Təşkilatına (İƏİT) daxil olmayan ölkələrin hesabına təmin ediləcək.
Neftin yüksək qiymətlərinə görə, iqtisadi düşmə nəticəsində ABŞ-da neftə olan tələbat gündə 330 min barel azalacaq.
EİA-nın proqnozlarına görə, 2007-ci ilin ortalarında 1 bareli $72 olan Amerikanın WTI markalı neftinin qiyməti 1 barelə görə $110, 2009-cu ildə isə $103 təşkil edəcək.
Nigeriya və Şimal dənizindən tədarükün pozulması, həmçinin, inkişafda olan ölkələrdə tələbatın artmasının davam etməsinə görə aprelin birinci üç həftəsi WTI markalı neftin qiyməti $19 artaraq $120-a çatıb.
Müəlliflə əlaqə saxlamaq üçün elektron ünvan: [email protected]
