Azərbaycan, Bakı, 03 iyun/ Trend , müxbir İ.Xəlilova/ "Azərenerji" Səhmdar Cəmiyyəti cəlb olunmuş vəsaitlər hesabına, baha başa gələn tikinti işlərinin xərclərini azaltmaq üçün "Şimal" DRES-də ikinci buxar-qaz qurğusunun tikintisini öz üzərinə götürməyə hazırdır. Bu barədə çərşənbə axşamı texniki-istehsalat şöbəsinin rəsi müavini Bəhruz Sadıqov məlumat verib. Onun sözlərinə görə, indiyədək baş podratçının seçilməsi üçün iki tender keçirilib. Lakin tenderlər nəticəsiz olub və indi "Azərenerji" üçüncünü elan etməyə hazırlaşır.
Azərbaycan hökuməti BQQ-nin tikintisi üçün podratçının seçilməsinin yubanması ilə əlaqədar, Yaponiyanın Beynəlxalq Əməkdaşlıq Bankının (JBİC) bu layihə üçün ayırdığı 29,28 mlrd. yen məbləğində ($275 mln.-dan çox) kreditini dayandırmağa hazırdır.
Hər tender üçün yarım il ayrılıb. Sadıqov hesab edir ki, iştirakçıların maliyyə və texniki təklifləri SC-nin irəli sürdüyü tələblərə müvafiq olmadığından, onlar müsbət nəticə verməyib. Buna görə də "Azərenerji" krediti dayandırmaq təklifi ilə hökumətə müraciət edib. O, istifadə olunmuş vəsaitləri öz hesabına qaytarmağa hazırdır.
İkinci tenderdə iki iştirakçı olub. Bank zəmanətlərinin olmamasına görə onlardan biri - Çinin CNEEC şirkəti iştirakdan uzaqlaşdırılıb. İkinci iştirakçı - Yaponiyanın Mitsui/Huidai şirkəti təklifin JBİC-in kreditinin məbləğini iki dəfə ötən dəyərini azaltmaqdan imtina edib. Çin şirkəti BQQ-nin tikintisi üçün $403 mln. , Yaponiya şirkəti isə $448 mln. istəyib.
Sadıqovun rəyinə görə, Azərbaycan tərəfi qabaqcıl texnologiyalardan istifadə etməklə, BQQ-nin tikintisini özü maliyyələşdirə bilər (dövlət büdcəsi və "Azərenerji"nin vəsaitləri hesabına). Azərbaycan hökumətində bu layihənin reallaşdırılmasına digər xarici kommersiya banklarının və ya beynəlxalq maliyyə təşkilatlarının cəlb edilməsini istisna etməyiblər.
"Bu gün Azərbaycanın enerji layihələrinə böyük diqqət göstərilir və JBİC-dən fərqli olaraq, onlarla danışıqlar aparmaq və yarım il ərzində vəsait cəlb etmək mümkündür", - hökumətdəki mənbə bildirib.
Əks halda, hökumət layihəni daxili ehtiyatlar hesabına maliyyələşdirəcək. Avadanlığın alınması üçün $160 mln. vəsait tələb olunur. Qalan işlər akkreditivin açılması hesabına yerinə yetirilə bilər. Tikinti işləri üçün Azərbaycanın AZENCO şirkəti cəlb oluna bilər.
Yapon bankının kredit ehtiyatları Azərbaycana, 10 il güzəştli dövr olmaqla, 40 il müddətinə və illik 0,75 faizlə təqdim edilib.
Layihənin texniki-iqtisadi əsaslandırılması 2004-cü ildə, TEPSCO (Yaponiya) - Enprima (Finlandiya) Konsaltinq Şirkətləri Alyansı tərəfindən hazırlanıb. Tender dörd 220 kilovoltluq elektrik ötürücü xətlərinin və 220/110 kilovoltluq yarımstansiyanın tikilməsi, təchizat, tikinti-quraşdırma işləri, sınağın keçirilməsi və istismara verilməsinə dair elan edilib.
Tikinti işlərinə 27 ay ayrılıb. Əvvəllər ikinci BQU-nun 2009-cu il üçün istismara verilməsi planlaşdırılıb.
Müəlliflə əlaqə saxlamaq üçün elektron ünvan: [email protected]
