Azərbaycan, Bakı, 07 iyun / Trend / Cari ilin yanvar-may ayları ərzində Azərbaycan Dövlət Neft Şirkəti (ARDNŞ) 87832 metr həcmində qazma işi həyata keçirib. Bu barədə ARDNŞ-dan məlumat verilib. Bu iş həcm üzrə proqnozlardan 4917 metr, ötən ilin göstəricilərindən isə 5522 metr çoxdur. May ayında yataqlarda 16328 metr qazma işi aparılıb.
Yanvar-may ayları ərzində istismar qazmalarının həcmi 85552 metr təşkil edib. Bu, analoji dövr proqnozlarından 4727 metr, ötən ilin göstəricilərindən isə 6874 mert çoxdur. May ayında istismar qazmaları 16227 metr təşkil edib.
Yanvar-may aylarında kəşfiyyat qazmaları 2280 metr təşkil edib. Bu həcm proqnozlardan 190 metr çoxdur, ötən ilin göstəricilərindən isə 1352 metr azdır. May ayında kəşfiyyat qazmaları 101 metr təşkil edib.
