Azərbaycan, Bakı, 16 iyul/ Trend / İyulun 1-nə olan məlumata əsasən, əsas istehlakçılarda mazut ehtiyatı 359 min ton təşkil edib ki, bu da təqribən ötən ilin analoji dövrünün göstəricisinə bərabərdir. Bu barədə Azərbaycanın Dövlət Statistika Komitəsindən məlumat veriblər.
İyulun 1-nə əsas istehlakçılarda dizel yanacağı ehtiyatı 17 min ton təşkil edib. Bu, 2007-ci ilin göstəricisindən 19,7 faiz çoxdur.
İyulun 1-nə olan məlumata əsasən, avtomobil benzini ehtiyatı 14,7 min ton olub ki, bu, 2007-ci il göstəricisindən 5 faiz çoxdur.
Aviasiya kerosinin ehtiyat həcmi 7,3 min ton təşkil edib və bu, 2007-ci ilin məlumatlarından 21,7 faiz çoxdur.
Yanvar-iyunda əsas istehlakçıların daş kömür ehtiyatı 2,7 min ton təşkil edib. Bu, 2007-ci ilin analoji göstəricisindən 2 dəfə çoxdur.