Azərbaycan, Bakı, 06 avqust/ Trend /Yanvar-iyulda "Azəri-Çıraq-Günəşli"dəniz blokunu tədqiq edən Azərbaycan Beynəlxalq Əməliyyat Şirkəti (ABƏŞ) 21 mln. tona yaxın Azeri Light növlü nefti ixrac edib. Bu göstərici 2007-ci ilin yanvar-iyulunda 17,5 mln. ton təşkil edib.
Yanvar-iyulda BTC boru kəməri vasitəsilə 21 mln. ton neft ixrac edilib. Bu göstərici 2007-ci ilin analoji dövründə 16 mln. ton olub. İyulda BTC vasitəsilə neft ixracı 3,4 mln. ton olub.
Martda ABƏŞ dəmir yolu marşrutu üzrə Gürcüstanın Qara Dəniz Batumi limanı istiqamətində ixracı bərpa edib. Mart-iyunda bu istiqamət üzrə 574,1 min ton, iyunda 124,3 min ton neft göndərilib. İyulda bu istiqamətdə neft ixrac edilməyib.
Bakı - Novorossiysk boru kəməri vasitəsilə neft ixrac edilməyib. May-iyunda Bakı - Supsa boru kəməri vasitəsilə 7,7 min ton neft ixrac edilib.Mayda bu göstərici isə 4,4 min ton olub. İyulda bu boru kəməri vasitəsilə neft ixrac edilməyib.
2007-ci ildə Bakı - Novorossiysk boru kəməri vasitəsilə 856,3 min ton neft ixrac edilib. 2006-cı ildə bu göstərici 3,5 mln. olub. 2007-ci ildə Batumi limanına 986 min ton neft göndərilib. 2006-cı ildə bu göstərici 4,2 mln. ton olub. Ötən il ərzində təmir işləri getdiyindən, Bakı - Supsa boru kəməri vasitəsilə neft ixrac edilməyib.