Azərbaycan, Bakı, 13 avqust/ Trend / Azərbaycandan Gürcüstana ixrac olunan qazın həcminin artırılması üçün "Qazı Məmməd - Qazax - Grcüstan sərhədi" magistral qaz kəmərində və Ağdaşda yerləşən kompressor stansiyasında mərhələlərlə təmir-bərpa işləri aparılır, - rəsmi mətbuata müsahibəsində "Azəriqaznəql" İstehsalat Birliyinin direktoru Zaman Çələbiyev deyib.
"Boru kəmərinin uzunluğu 416 км, diametri isə 1220/1020 мм təşkil edir. Aparılmış işlərin nəticəsində yüksək təzyiqlə və tələb olunan miqdarda qaz təmin ediləcək", - Çələbiyev bildirib.
Bu kəmər vasitəsilə Azərbaycan qazının Gürcüstana ixracını, bu ölkə ilə 600 mln. kub metr qazın təchiz edilməsinə dair müqaviləsi olan Azərbaycan Dövlət Neft Şirkəti yerinə yetirir.
Aprel-iyulda (təchizat apreldən başlayıb) ARDNŞ Gürcüstana 123,5 mln. kub metrə yaxın qaz ixrac edib. Iyulda ixracın həcmi 35,4 mln. kub metr təşkil edib.
Hər gün Gürcüstana 1,2-1,5 mln. kub metr qaz təchiz edilir. 2007-ci ildə Azərbaycan Gürcüstana qazı 1 kub metrini $120 təchiz edib. Bu il qiymətin 1 kub metr üçün $180-$190 olacağı gözlənilir. ARDNŞ özünün işlədiyi yataqlarda qaza malikdir.
Gürcüstan qazın bir hissəsini Rusiyadan 1 kub metrini $235 qiymətinə alır.