Azərbaycan, Bakı, 13 avqust / Trend , müxbir A.Bədəlova/ ABŞ-ın Dövlət Enerji İnformasiyaları İdarəsi (EIA) 2009-cu ildə dünyanın neftə olan tələbatına dair proqnozlarını Birləşmiş Ştatlarda və İqtisadi Əməkdaşlıq və İnkişaf Təşkilatının (İƏİT) digər ölkələrində zəif tələbatla əlaqədar, təqribən sutkada 460 min barelədək azaldıb.
Əvvəllər EIA 2009 - cu ildə dünyanın neftə olan tələbat artımını sutkada 1,4 mln. barel proqnozlaşdırırdı. Yeni proqnozlara görə, 2009-cu ildə dünyanın neftə olan tələbatı təqribən sutkada 1 mln. (993 tıs.) barel artaraq 2008 - ci ilin sutkada 86,31 mln. barelinə nisbətdə 87,3 mln. barelə çatacaq.
EIA-nın qiymətləndirməsinə görə, 2008 -ci ilin birinci yarısında dünyanın neftə olan tələbatı, ötən il ilə müqayisədə, sutkada 500 min barel artıb. EİA-nın proqnozlarına görə, cari ilin ikinci yarısında dünyanın neftə olan tələbatı sutkada 1 mln.bareldən çox artacaq.
Proqnozlara əsasən, İƏİT ölkələri 2008 - ci ildə sutkada 48,39 mln. barel neftə ehtiyac duyacaq. 2009 - cu ildə bu ölkələrdə neftə olan tələbat 0,27 mln. barel azalaraq, sutkada 48,12 mln. barelə çatacaq.
İƏİT-ə daxil olmayan ölkələrdə 2009 - cu ildə neftə olan tələbat, sutkada 1,26 mln. barel artaraq, 2008-ci ilin 37,92 mln. barelinə nisbətdə 39,18 mln. barrelə çatacaq.
Məqalə müəllifi ilə əlaqə ünvanı - [email protected]
