Azərbaycan, Bakı, 19 sentyabr / Trend , müxbir İ.Xəlilova/ Abşeron yarımadasının ekoloji təmizlənməsi ilə bağlı uzunmüddətli proqramın birinci fazası üzrə görülən işlərin nəzərdən keçirilməsi üçün layihənin rəhbəri Ani Daskuptun başçılıq etdiyi Dünya Bankının missiysı sentyabrın 29-dan oktyabrın 4-dək Bakıya səfər edəcək, bankın Bakı nümayəndəliyindən cümə günü bildiriblər.
"DB Direktorlar Şurası layihənin maliyyələşdirilməsi üçün $163,5 mln. həcmində krediti təsdiqləsə də, kredit sazişi hələ imzalanmayıb. Layihənin ümumi dəyəri $364,5 mln.-a bərabərdir.
"Buna baxmayaraq, missiya layihənin birinci fazasının realizəsinin başlaması üçün hazırlıq işləri ilə tanış olmaq niyyətindədir", - hökumətdən bildiriblər.
DB-nin krediti Beynəlxalq Yenidənqurma və İnkişaf Bankının şərtləri əsasında dörd il güzəştli dövr olmaqla 17 il müddətində illik libor+0,05 faiz dərəcə ilə veriləcək.
Layihə üç müstəqil komponentə ayrılıb və müxtəlif dövlət orqanları - Dövlət Neft Şirkəti, Fövqəladə Hallar, İqtisadi İnkişaf, Ekologiya və Təbii Sərvətlər nazirliklərini əhatə edir. Ekoloji normaların, standartların, həmçinin sertifikatlaşdırma sisteminin təkmilləşdirilməsini nəzərdə tutan Ekologiya və Təbii Sərvətlər Nazirliyinin komponenti isə proqramın birinci fazasından çıxarılaraq ikinci fazasına daxil edilib. İkinci fazanın 2009-cu maliyyə ilində təsdiqlənəcəyi gözlənilir.
Birinci komponet üzrə ARDNŞ üçün "möhkəm" investisiyalar hesabına qruntun təmizlənməsi üçün avadanlığın əldə edilməsi nəzərdə tutulur. Bundan əlavə, Dövlət Neft Şirkətinin ekoloji təcrübəsinin təkmilləşdirilməsi üçün texniki yardım, o cümlədən bu sahədə strategiya və siyasətin hazırlanması və onların əməliyyat işində tətbiqi nəzərdə tulub. Bu komponet aşağıdakı şəkildə maliyyələşdiriləcək: BYİB tərəfindən $61 avadanlığın alınması üçün ayrılacaq, ARDNŞ tərəfindən isə avadanlığın istismarı, amortizasiya xərcləri, işçi qüvvəsinin əmək haqqının ödənilməsi üzrə xərclər qismində $124 mln. ayrılacaq.
İkinci komponent üzrə Ramanı və Suraxanıdakı keçmiş yod istehsalı zavodlarının ərazisindəki radioaktiv kömürün təmizlənməsi üçün FHN-ə yardım göstəriləcək. Sovetlər dönəmində bu müəssisələr kömür dənəciklərinin köməyi ilə neft quyularından əldə edilmiş qrunt sularının filtrasiyası yolu ilə yod istehsal edirdilər. Hazırda bu dənəciklər toplanıb və filtrlərdə radioaktiv su (onun tərkibində radon var) yaranıb. Ərazinin təhlükəsizliyini təmin etmək üçün DB onun utilizasiyası məqsədilə vəsait ayıracaq. FHN-ə yardımın ikinci istiqaməti hava limanı yaxınlığında 1 min hektar ərazinin neftlə çirklənmiş torpaq qatlarının təmizlənməsini nəzərdə tutur. Bu tədbirlərin reallaşdırılması üçün BYİB xətti ilə $74 mln., hökumət tərəfindən isə $25 mln. ayrılacağı güman edilir.
Üçüncü komponent üzrə İqtisadi İnkişaf Nazirliyi xətti üzrə məişət tullantılarının idarə edilməsi sisteminin, Ekologiya Nazirliyi xətti üzrə isə ekoloji normalar, standartlar, həmçinin sertifikatlaşdırmanın təkmilləşdirməsi nəzərdə tutulub. Bank onların hazırlanması üçün $31,5 mln. ayırmağa hazırdır. Azərabaycanın payı isə $34 mln. təşkil edəcək.
Sentyabrın 19-na olan cari mübadilə məzənnəsi -- 0,8133 AZN/USD
Müəlliflə əlaqə saxlamaq üçün elektron ünvan: [email protected]