Azərbaycan, Bakı, 07 oktyabr / Trend / Azərbaycan cari ilin yanvar-sentyabrında "Şahdəniz" qaz kondensat yatağından təqribən 1,7 mlrd. kubmetr qaz əldə edib ki, bu da ötən ilin analoji dövr göstəricisindən 66,5 faiz çoxdur (664,5 mln. kubmetr). Bu barədə Azərbaycan Dövlət Neft Şirkətindən məlumat verilib.
Azərbaycan ümumilikdə 2008-ci ildə "Şahdəniz" yatağından 2 mlrd. 900 mln. kubmetr qaz əldə etməyi planlaşdırır.
Yataqda dörd quyu fəaliyyət göstərir. Potensial sutkalıq debit təqribən 22 mln. kub metr qaz təşkil edib.
Yatağın işlənilmə layihəsi üzrə "Mərhələ-1" çərçivəsində plato mərhələsində ildə 8,6 mlrd. kubmetr qaz hasil ediləcək.