...

BP Azərbaycanda "Azəri" - "Çıraq" -"Günəşli" yataqlarında hasilatı tədricən artırır

Energetika Materials 14 Oktyabr 2008 17:38

Trend-i buradan izləyin

Azərbaycan, Bakı, 14 oktyabr/ Trend , müxbir S.Əliyev/ Hazırda Xəzərin Azərbaycan hissəsində BP - nin operatoru olduğu "Azəri" - "Çıraq" - "Günəşli" yataqlarında sutkalıq neft hasilatı təqribən 520 min barel təşkil edir. Bu həcm iki hasilat platformasının dayandırılması məqamınadək təqribən 450 min barelə bərabər olub. Bu barədə çərşənbə axşamı hökumətdən bildiriblər.

BP oktyabrın 10 - da "Azəri" yatağının qərb hissəsində hasilatı bərpa edib. Burada hasilat, yatağın digər hissəsində aşkar edilən qaz tullantıları səbəbindən, sentyabrın ortalarında dayandırılmışdı. Hazırda platformadan artıq bir neçə quyu istifadəyə verilib.

Şirkət "Mərkəzi Azəri" platformasının yaxınlığında aşkar olunan qaz tullantılarının yaranması səbəblərini araşdırır. Yataqda tədqiqat işləri həyata keçirib və onların interpretensiyası Londonda aparılır.

"Azəri - Çıraq - Günəşli" yatağının işlənilməsi üzrə operator BP şirkəti sentyabrın 17-də "Mərkəzi Azəri" yatağında hasilatı dayandırıb və dənizdə havaya qaz tullantılarının aşkar edilməsi ilə əlaqədar, personalı yataqda quraşdırılan platformadan köçürüb. Ehtiyat məqsədilə, yatağın qərb hissəsində "Qərbi Azəri" platformasından da hasilat dayandırılıb. "Azəri" yatağının şərq hissəsində quraşdırılmış platformada hasilat davam etdirilir.

"Azəri - Çıraq - Günəşli" yatağında Bakı - Tbilisi - Ceyhan boru kəməri ilə ixrac olunan Azeri Light növlü neft hasil edilir.

Məqalə müəllifi ilə əlaqə ünvanı - [email protected]

Xəbər lenti

Xəbər lenti