Qazaxıstan, Astana, 31 oktyabr/ Trend , müxbir K.Konırova/ ""Kaşağan" layihəsi çərçivəsində yeni yaradılmış əməliyyat şirkətində öhdəliklər Konsorsiumun bütün iştirkaçıları arasında bölünəcək", - energetika və təbii sərvətlər naziri Sauat Mınbayev cümə günü Qazaxıstan hökuməti, "KazMunayqaz" SC NŞ və Konsorsium iştirakçıları arasında müqavilənin imzalanmasından sonra Astanada keçirilən mətbuat konfransında bildirib.
Qazma işləri ilə ExxonMobil, qazmadan başqa ofşor işləri ilə Shell məşğul olacaq, Agip onşor işlərinə cavabdeh olacaq, Total ümumi koordinasiya işini həyata keçirəcək, ConocoPhillips isə, audit aparacaq.
""KazMunayqaz" istiqamətlərdən hər birində iştirak edəcək", - Mınbayev bildirib.
Onun sözlərinə görə, "Kaşağan"da neftin hasilatı mərhələsində bütün ofşor əməliyyatlarını Shell və "KazMunayqaz"ın daxil olacağı xüsusi şirkət həyata keçirəcək.
Müəlliflə əlaqə saxlamaq üçün elektron ünvan: [email protected]
