Azərbaycan, Bakı, 04 noyabr/ Trend / SOCAR şirkəti (Azərbaycanın Dövlət Neft Şirkəti) yanvar - oktyabrda Bakı - Tbilisi - Ceyhan (BTC) boru kəməri ilə 17,3 mln. ton neft ixrac edib. Ötən ilin analoji dövründə kəmərlə ixrac edilən neftin həcmi 5,3 mln. tona bərabər olub. Bu barədə SOCAR-ın Marketinq və İqtisadi Əməliyyatlar İdarəsinin çərşənbə axşamı yayılan məlumatında xəbər verilir.
2006 - cı ildə BTC boru kəməri ilə 1 mln. 402,951 min ton neft ixrac edilib (bu marşrutla neftin ixracına 2006 - cı ilin mayında başlanılıb).
BTC boru kəməri ilə "Azəri - Çıraq - Günəşli" yataqlar blokundan hasil edilən yüngül Azərbaycan nefti və "Şahdəniz" yatağından hasil edilən kondensat ixrac edilib. Boru kəmərinin layihə üzrə maksimal ötürmə gücü 1 mln. barel neftə bərabərdir.
Bu boru kəməri ilə neft Azərbaycan, Gürcüstan və Türkiyə ərazisi vasitəsilə Türkiyənin Ceyhan limanına çatdırılır.
