Qazaxıstan, Astana, 25 noyabr/ Trend , müxbir K.Konırova/ Qazaxıstanın Mangistau vilayətində "Orta Asiya - Mərkəz" qaz kəməri magistralının (OAM QM) "Dayaq" kompressor stansiyasının (KS) 4 saylı boru kompressor sexi istifadəyə verilib. Bu barədə "KazTransQaz" SC-nin mətbuat xidməti məlumat verib.
"Yeni boru kompressor sexinin istifadəyə verilməsi qaz nəqli həcmini artıracaq, qaz nəqli sisteminin iş etibarlılığını və səmərəliliyini yüksəldəcək. Qaz kəmərinin nəql gücünün ildə 60 mlrd. kubmetrədək artırılması nəzərdə tutulur", - deyə şirkətin mətbuat xidmətindən bildiriblər.
Şirkətin məlumatına görə, yanvar - sentyabrda "İnterqaz Mərkəzi Asiya" SC tərəfindən ümumi qaz nəqli həcmi 87 mlrd. 140 mln. kubmetrə bərabər olub, o cümlədən daxili nəql həcmi 5 mlrd. 912 mln. kubmetr, qazın beynəlxalq tranzit həcmi 74 mlrd. 189 mln. kubmetr, ixrac üzrə qaz nəqli həcmi isə 7 mlrd. 039 mln. kubmetr təşkil edib.
"2007- ci ilin analoji dövr göstəricisi ilə müqayisədə, qaz nəqli həcmi üzrə artım 3 faiz təşkil edib. 2008 - ci il üzrə plan 112 mlrd. 399 mln. kubmetr həcmində nəzərdə tutulub", - deyə mətbuat xidmətindən bildriblər.
"OAM" QM -in Qazaxıstan hissəsi 1967-1986 - cı illərdə magistral qaz nəqli sistemi ittifaqının bir hissəsi kimi tikilib. Bu gün OAM MQ Qazaxıstan qaz nəqli sisteminin ən əhəmiyyətli elementidir. Onun vasitəsilə Qazaxıstanın böyük hissəsi qaz ilə təchiz edlir və onunla Rusiyaya türkmən və özbək qazı tranzit olunur. "Okarem -Beyneu" MQ və "Makat -Şimali Qafqaz" MQ bu sistemin tərkib hissəsidir.
"İnterqaz Mərkəzi Asiya" SC 1997-ci ilin iyununda yaradılıb. Şirkət bilavəsitə onun konsessiyasına verilmiş Qazaxıstan qaz nəqli sisteminin idarəçiliyini həyata keçirir və "KazTransQaz" SC Şirkətlər Qrupunun ("KazMunayQaz"MŞ -nın törəmə SC -i) tərkibinə daxildir. Şirkət ölkədə illik nəql gücü 190 mlrd. kubmetrdək olan 11 km - dən çox uzunluqda əsas qaz nəqli kəmərləri şəbəkəsinə nəzarət edir.
Məqalə müəllifi ilə əlaqə ünvanı - [email protected]
