Azərbaycan, Bakı, 26 noyabr/ Trend , müxbir E.İsmayılov/ 2009 - cu ilin əvvəlindən Bakı -Tbilisi - Ceyhan boru kəmərinin ötürmə gücü sutkada 1,2 mln. barelə çatdırılacaq, - BP şirkətinin Türkiyədəki mətbuat katibi Murad Lekont çərşənbə günü telefonla bildirib.
"Boru kəmərinin ötürmə gücünün genişləndirilməsi üzrə işlər davam edir və ilin sonunadək başa çatmalıdır. 2009 - cu ildə neft kəmərinin ötürmə gücü [sutkada] 1,2 mln. barel təşkil edəcək", - Lekont bildirib.
Lekontun bildirdiyinə görə, boru kəmərinin ötürmə gücünün sutkada 1,6 mln. barel neftədək genişləndirilməsi hələ nəzərdən keçirilmir. "Bu barədə danışmaq hələ tezdir", - o qeyd edib. Əsas məqsəd ötürmə gücünün sutkada 1,2 mln. barelə çatdırılmasıdır.
2009 - cu ilin əvvəlindən boru kəmərinin ötürmə gücü sutkada 1,2 mln. barel təşkil etsə də, boru kəmərindəki neft həcminin bu rəqəmə çatıdırılacağı müddət hələ məlum deyil, - Lekont deyib.
Bakı -Tbilisi - Ceyhan (BTC) neft kəmərinin ötürmə gücünün sutkada 1 mln. bareldən 1,2 mln. barelədək genişləndirilməsinin dəyəri 69 mln. dollar qiymətləndirilir. Bu vəsaitlər hesabına boru kəmərində kimyəvi reagentlərin tətbiqi üçün avadanlıq quraşdırılacaq. İşlər Azərbaycan, Gürcüstan və Türkiyə ərazisində aparılır.
Boru kəməri ilə sutkada təxminən 600 min barel neft nəql edilir.
BTC neft kəmərinin ümumi uzunluğu 1768 kilometrdir; 443 km - Azərabaycan, 249 km - Gürcüstan, 1076 km - Türkiyə ərazisindən keçir.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz ); Statoil (8,71 faiz ); TRAO (6,53 faiz ); Eni (5 faiz ); Total (5 faiz ); Itochu (3,40 faiz ); Inpex (2,50 faiz ); ConocoPhillips (2,50 faiz ) və Amerada Hess (2,36 faiz ).
Müəlliflə əlaqə saxlamaq üçün elektron ünvan: cap
