Azərbaycan, Bakı, 28 noyabr/ Trend / "İlin əvvəlindən SOCAR şirkəti (Azərbaycan Dövlət Neft Şirkəti) şəxsi yataqlarında 100 yeni quyu qazıb, onların 85-i istismara verilib", - deyə SOCAR-ın Neft və Qaz İdarəsinin müdiri Rəhman Qurbanov bildirib. Ümumilikdə bu dövr ərzində 76 quyunun istifadəyə verilməsi planlaşdırılmışdı.
Qurbanov bildirib ki, SOCAR tərəfindən istismar olunan ən iri dəniz yatağında ("Günəşli") ilin əvvəlindən 11 yüksək debitli yeni quyu istifadəyə verilib, 2008-ci ilin sonunadək isə daha iki belə quyunun qazılmasının başa çatdırılması və istismara verilməsi planlaşdırılır.
Onun sözlərinə görə, bu dövr ərzində SOCAR-ın "Kompleks qazma işləri" tresti yataqlarda planlaşdırılan 153 min metrə nisbətdə təqribən 167 min metr qazma işi həyata keçirib.
Qurbanov bildirib ki, ümumilikdə yanvar-oktyabr ərzində SOCAR şirkəti tərəfindən təqribən 6,2 mln. ton neft və təxminən 6,4 mlrd. kubmetr qaz hasil edilib.
