...

Azərbaycanda ixrac məqsədli neft - qaz fəaliyyətinə xüsusi iqtisadi rejimin tətbiqi haqqında Qanun qəbul olunacaq

Energetika Materials 3 Dekabr 2008 18:10 (UTC +04:00)

Azərbaycan, Bakı, 03 dekabr / Trend , müxbir İ.Əlizadə / Azərbaycanda ixrac məqsədli neft - qaz fəaliyyətinə xüsusi iqtisadi rejimin tətbiqi barədə Qanun qəbul olunacaq.

"İxrac məqsədli neft - qaz fəaliyyətinə xüsusi iqtisadi rejimin tətbiqi haqqında" yeni qanun layihəsinin hazırlanması zərurəti neft - qaz sektorunda həyata keçirilən iri layihələrdən irəli gəlir", - parlamentinin hüquq siyasəti və dövlət quruculuğu, energetika və ekologiya, təbii ehtiyatlar, iqtisadi siyasət məsələləri daimi komissiyalarının çərşənbə günü keçirilən birgə iclasında vitse-spiker Valeh Ələsgərov bildirib.

Qanun layihəsinin hazırlanmasında əsas məqsəd Azərbaycanda qeydiyyatdan keçən və ölkə hüdudlarından kənarda əməliyyatlara aparan əcnəbi şirkətlər üçün vergi yüklərinin azaldılmasıdır. Onların arasında ölkə hüdudlarından kənarda gerçəkləşdirilən regional layhidərdə iştirak etmək üçün, hökumətə vergi güzəştlərinin təqdim olunması ilə bağlı təkliflərlə müraciət edən Technip, Total, Bos Shelf və Mersk kimi şirkətlər var.

Azərbaycandakı layihələr üzrə fəaliyyətləri yekunlaşdığından, onlar regionun başqa ölkələrindən sifariş qəbul edirlər. Azərbaycandan əməliyyatları gerçəkləqşdirməkdə davam edən şikətlər həm gömrük, həm də vergi ilə bağlı Azərbaycan qanunvericiliyinə əməl etməlidirlər.

İclas iştirakçıları qeyd ediblər ki, sonuncu dəfə Vergi Məcəlləsinə əlavə və dəyişikliklər edilərkən, bu layihədəki bəzi müddəalar da nəzərə alınıb. Gələcəkdə tətbiq ediləcək güzəşt və imtiyazlar artıq Vergi Məcəlləsində öz əksini tapıb.

Layihəyə əsasən, podratçılar və subpodratçılar ixrac məqsədli neft - qaz fəaliyyəti ilə əlaqədar vergiləri bu Qanunda nəzərdə tutulan qayda və dərəcə ilə ödəyəcəklər. İxrac məqsədli neft - qaz fəaliyyəti ilə əlaqədar Azərbaycana idxal və ölkədən ixrac malları gömrük rüsumlarından azad olunacaqlar.

Ələsgərovun sözlərinə görə, müvafiq təşkilatların təmsilçiliyi ilə layihə üzərində iki ildir iş aparılır: "Azərbaycanda yüksək infrastruktur yaradılıb və burada genişmiqyaslı işlər aparılır. 12 minə yaxın yüksək ixtisaslı kadrlar, mütəxəssislər hazırlanıb ki, onların da bir qismi dünyanın müxtəlif ölkələrində işləyirlər".

"Ölkədə neft - qaz sahəsində güclü potensial yaranıb və onun qorunması, bu potensialdan səmərəli istifadə edilməsi üçün hüquqi bazanın yaradılmasına ehtiyac var", - parlamentin İqtisadi - siyasət daimi komissiyasının sədri Ziyad Səmədzadə deyib. Onun sözlərinə görə, Qanunun mühüm cəhətlərindən biri yerli vətəndaşların bu sahədə işə cəlb edilməsinə əsas yaratmasıdır.

Müəlliflə əlaqə ünvanı: [email protected]

Xəbər lenti

Xəbər lenti