Azərbaycan, Bakı, 17 dekabr/ Trend / SOCAR-ın (Azərbaycan Dövlət Neft Şirkəti) tərkibinə daxil olan Azerneftyag və "Heydər Əliyev adına" (keçmiş Azerneftyanacag) Bakı Neft Emalı Zavodları (NEZ) yanvar-noyabrda təqribən 5,7 mln. ton neft emal ediblər. Bu müəssisələrdə neft məhsulları istehsalı ötən ilin göstəricilərinə nisbətən 8,4 faiz artıb.
Azərbayücan Dövlət Statistika Komitəsindən verilən məlumata görə, avtomobil benzini istehsalı ötən ilin analoji dövr göstəricisi ilə müqayisədə 12,9 faiz, dizel yanacağı 18,1 faiz, bitum 17 faiz, sürtkü yağı 1,4 faiz artıb. Yanvar-noyabrda kerosin, mazut və nafta istehsalı düşüb.
2008 - ci ildə Azərbaycanda neft məhsulları istehsalı:
| Min ton | 2008 - ci il yanvar-noyabr | 2007-ci ilin yanvar-noyabrına nisbətdə %-lə |
| Avtomobil benzini | 1168,9 | 112,9 |
| Kerosin | 707,5 | 97,6 |
| Yanacaq mazut | 1010,3 | 49,2 |
| Dizel yanacağı | 2263,6 | 118,1 |
| Neftbitum | 198,3 | 117 |
| Sürtkü yağı | 50,9 | 101,4 |
| Nafta | 275,3 | 51,6 |
