Azərbaycan, Bakı, 19 dekabr/ Trend , müxbir E.İsmayılov/ Dekabrın sonunadək SOCAR şirkətinin Gürcüstanın Kulevi limanında yerləşmiş Qara dəniz terminalı Gürcüstan Dəmir Yolu qarşısında götürlümüş öhdəliklər çərçivəsində, terminala aparan dəmir yolu əlaqəsinin yenidən qurulmasının ikinci mərhələsinə başlayacaq, - terminaldakı mənbə cümə günü bildirib.
İkinci mərhələ çərçivəsində, Senaki və Xobbi rayonlarında dəmir yollarında təmir-bərpa işləri planlaşdırılır. Senaki rayonunda 870 metrlik, Xobbidə 875 metrlik dəmir yolu sahəsi yenidən qurulacaq.
Birinci mərhələdə Santredi şəhərində ümumi uzunluğu 5 kilometrdən çox olan dəmir yolu sahələrinin təmiri üzrə iş aparılıb. Avqustda başlamış işlər artıq başa çatdırılıb.
Gürcüstanın dəmir yolu infrastrukturunun yendən qurulmasına artıq 3 mlrd. dollar ayrılıb.
Çaladidiən Kulevi terminalına ikinci əlavə dəmir yolu xətti nin çəkilməsinə başlamaq planlaşdırılır. Yol, terminala bir yolla daxil olmağa, digər yolla onu tərk etməyə imkan verəcək. İndi Kulevi terminalına bir dəmir yolu xətti aparır.
Bu istiqamətdə geoloji işlər artıq başlayıb. Dəmir yolu sahəsinin uzunluğu 13 km təşkil edəcək.
Terminal tərəfindən dəmir yollarının yenidən qurulması çərçivəsində aparılan bütün işlər neft və neft məhsullarının aşırılma həcminin artırılmasına yönəlib.
Müəlliflə əlaqə saxlamaq üçün elektron ünvan: [email protected]