Türkmənistan, Aşqabad, 26 dekabr/ Trend , müxbir E.Həsənov/ Türkmən qazının idxalını gələcək üçün özlərini alternativ enerji xammalı ilə təmin etməyə can atan "Avropa və Uzaq Şərq bazarları istehlakçılarına faydalıdır". "Türkmən Dövlət Xəbərləri"nin həftəlik şərhinin məlumatı belədir.
Türkmənistan prezidenti Qurbanqulu Berdiməhəmmədov dünya təbii qaz ehtiyatlarına malik bu Xəzəryanı dövlətin rəhbərliyinin rəsmi mövqeyini bildirən bir sıra yerli KİV-in təsisçisidir. TDX türkmən liderinin irəli sürdüyü aktual layihələri- Xəzəryanı və TransXəzər qaz kəmərləri, Türkmənistan - Çin, Türkmənistan - Əfqanıstan - Pakistan - Hindistan boru kəmərləri layihələrini - "Mərkəzi Asiya və digər regionların sosial-iqtisadi inkişafına müsbət təsir edə biləcək" layihələri sadalayır.
Türkmən ekspertlər güman edirlər ki, "qaz arteriyalarının" ərazilərindən keçəcəyi ölkələr tranzitdən alınmış vəsaitləri şəxsi iqtisadi layihələrinə yatıra bilərlər. Məlum olduğu kimi, hər bir boru kəmərinin çəkilməsi zəruri infrastrukturun yaradılması, dəmir yolu və avtomobil magistrallarının, elektrik ötürücü xətlərin çəkilməsi, terminalların, yaşayış məntəqələrinin tikilməsi ilə yanaşı gedir. Türkmən qazının idxalı Asiya dövlətlərinin çoxmilyonlu əhalisini ən ucuz məişət yanacağı ilə təmin edəcək, onların sənaye artımının yüksək templərini bildirəcək, əlavə iş yerləri yaradcaaq və bir sıra sosial problemləri həll edəcək.
Bu zaman BMT-nin, bir müddət əvvəl Azərbaycanın da dəstəklədiyi "Enerji daşıyıcılarının etibarlı və sabit tədarükü, davamlı inkişaf və beynəlxalq əməkdaşlığın təmin edilməsində onun rolu" Qətnaməsini qəbul etməsi faktına xüsusi diqqət yetirilir. Tranzitin qlobal dünya proseslərində artan əhəmiyyətini nəzərə alan və Mərkəzi Asiya və digər nəqliyyat-kommunikasiya qovşaqları, onların enerji daşıyıcılarının hasilatı və dünya bazarlarına nəqlində həyati vacib rolunu qəbul edən BMT Baş Assambleyası beynəlxalq səviyyədə razılaşdırılmış məqsədlər, o cümlədən Minilliyin Bəyannaməsində formalaşdırılmış məqsədlərə nail olmaq üçün etibarlı, ucuz, iqtisadi səmərəli və ekoloji baxımdan təhlükəsiz enerji təchizatına çıxışın genişlənməsinə yönəlmiş təşəbbüsləri alqışlayır.
TDX yazır ki, Türkmənistanın enerji xammalının xarici bazarlara çıxarılması ilə bağlı göstərdiyi səylər məhz bu məqsədlərə obyektiv xidmət göstərir. "Planetar əhəmiyyətli karbohidrogen ehtiyatlarına malik ölkəmiz özünün nəhəng potensialının bütün dünya ictimaiyyətinin maraqları çərçivəsində səmərəli realizəsi məsələlərinin həllinə yüksək dərəcədə məsuliyyətli və konstruktiv yanaşma nümayiş etdirir", - xəbərlər xidmətinin materialında deyilir.
Türkmənistan hakimiyyətiözünün iqtisadi və sosial vəzifələrin təbiət və onun ehtiyatlarına ehtiyatlı münasibətlə vəhdətdə kompleks həllinə əsaslanmış ekoloji təhlükəsiz və davamlı inkişafa sadiqliyini vurğulayır. Ekologiya, ətraf mühitin mühafizəsi BMT, Avropa İttifaqı, Qlobal İqtisadi Fond və digər təşkilatlarla qurulmuş maraqlı və məhsuldar əməkdaşlığın strateji istiqamətidir. Bir sıra beynəlxalq təbiətin mühafizəsi Konvensiya və sazişlərinə qoşulan Türkmənistan iqlimin dəyişməsi, ozon qatının dağılması, nadir və qiymətli flora və fauna növlərinin yoxa çıxması, səhralaşma kimi, insanlığın qlobal problemlərinin səmərəli həll yollarının axtarışında ən fəal mövqe tutur, - xəbərlər agentliyi vurğulayır.
TDX xatırladır ki, Xəzər dənizinin - unikal heyvan və bitki dünyası olan təbiətin əsl incisinin" xüsusi statusunu nəzərə alaraq, Türkmənistan prezidentinin xüsusi qərarı ilə Milli Xəzər Fəaliyyət Planı təsdiqlənib. Plan, Xəzərin Türkmənistan sektoru və sahilyanı ərazilərin etibarlı ekoloji mühafizəsini nəzərdə tutur. Bundan başqa, ətraf mühitin mühafizəsinə yönəlmiş konkret tədbirlər Xəzər dənizində neft yayılmalarının xəbərdar edilməsi və ləğvi üzrə Milli Plan, Türkmənistanın sahil sularının gəmilərdən çirklənməsindən mühafizə qaydalarında, ekoloji təhdidlərin başlıca mənbələrindən biri olan neft - qaz çıxaran, neft - kimya, nəqliyyat müəssisələrinin fəaliyyətini reqlamentləşdirən digər normativ - hüquqi sənədlərdə dəqiq əksini tapıb.
Ekologiya, neft-qaz şirkətləri personalının və neft işlərinin aparıldığı rayonda yerləşən əhalinin təhlükəsizlik və sağlamlığının təmin edilməsi Türkmənistanda bu il qəbul edilmiş "Karbohidrogen ehtiyatları haqqında" yeni Qanunun ən vacib aspektidir. Qanunda ətraf mühitin mühafizəsinə qarşı ən sərt tələblər müəyyən edilib, onların pozulmasına görə məsuliyyət müəyyən edilib.
Müəlliflə əlaqə saxlamaq üçün elektron ünvan: [email protected]
