Gürcüstan, Tbilisi, 09 yanvar/ Trend müxbir N.Kirtsxaliya/ Gürcüstan boru kəmərində baş vermiş qəza səbəbindən Rusiya qazının öz ərazisi ilə Ermənistana tranzitini dayandırır. Gürcüstanın Neft və Qaz Korporasiyasından (GNQK) Trend -a verilən məlumata görə, 1000 millimetrlik qaz magistralının zədələnməsi nəticəsində qaz tədarükü beş gün müddətinə dayandırılacaq.
Gürcüstan Rusiya qazını Ermənistan üçün öz ərazisindən tranzit edir. Tranzit qazın 10 faizi ölkədə qalır.
GNQK-dan bildiriblər ki, qəza səbəbindən Gürcüstanın qaz ilə təchizatına ziyan dəyməyib, çünki ölkə Azərbaycandan qaz alır. Azərbaycan yanacağının tədarük olunduğu boru kəməri işlək vəziyyətdədir.
Məqalə müəllifi ilə əlaqə ünvanı - [email protected]
