Gürcüstan, Tbilisi, 12 yanvar/ Trend , müxbir N.Kirtsxaliya/ Rusiyanın Gürcüstan vasitəsilə Ermənistana qaz tədarükü bu gün axşam bərpa olunacaq. Bu barədə Trend -a Gürcüstanın energetika naziri Aleksandr Xetaquri bildirib.
"Pis hava şəraitinə baxmayaraq, Gürcüstanın Qardabani rayonunda qaz kəmərinin zərər çəkmiş hissəsində bərpa işləri bir dəqiqə belə dayandırılmır", - deyə idarə rəhbəri bildirib.
"Bu işlər artıq başa çatmaq üzrədir", - deyə Xetaquri bildirib.
Rusiya qazının tranziti yanvarın 9-da Gürcüstan qaz magistralında qəza baş verdiyinə görə dayandırılıb. Qeyd etmək lazımdır ki, Ermənistanın qaz anbarlarında qaz olduğundan, ölkə əhalisinin mavi yanacaq ilə təchizatında problem olmayıb.
Məqalə müəllifi ilə əlaqə ünvanı - [email protected]
