Azərbaycan, Bakı, 21 fevral / Trend , müxbir A.Bədəlova/ Dünyanin iri banklarından olan Amerikanın JP Morgan bankının proqnozuna əsasən, 2009-cu ildə qaz üçün nəzərdə tutulmuş orta qiymət bankın əvvəlcədən proqnoz etdiyi 205,4 dollar qiymətindən fərqli olaraq hər min kubmetr qaz üçün 186,3 dollar təşkil edir.
"Mavi yanacağın" maksimal qiyməti cari ilin dördüncü rübündə hər min kub metr üçün 216,6 dollar, minimal qiymət isə birinci rübdə 167,9 dollar olacağı gözlənilir.
"Biz hazırkı şəraitin nəticəsində düşmə risklərinin olmasına baxmayaraq, gələn il üçün qaz qiymətləri üzrə proqnozlarımızı dəyişilməz saxlamışıq və qeyri-sabit tələbat və təkliflər fonunda 2009-cu il üçün proqnozları yenidən azaltmışıq", - deyə JPMorgan analitiklərinin məruzəsində bildirilir.
2010-cu ildə bank analitiklərinin proqnozlarına görə, qazın orta qiyməti min kubmetr üçün 239,343 dollar təşkil edəcək, gələn ilin sonuncu rübündə isə min kubmetri 261,725 dollara bərabər olacaq.
Məqalə müəllifi ilə əlaqə ünvanı - [email protected]
