Özbəkistan, Daşkənd, 26 fevral / Trend , müxbir T.Jukov / 2008-ci ildə Rusiya şirkəti olan "LUKoyl" Cənub-Qərbi Qissarın (Kaşkadar vilayəti) neft yataqlarının işlənməsinə 67 milyon dollar vəsait ayırıb.
"LUKoyl Operating Company"-nin nümayəndəliyindən Trend Carital-a bildiriblər ki, il ərzində 194 kvadrat kilometr ərazidə seysmik kəşfiyyat işləri aparılıb.
Kəşfiyyat işlərini müqavilə əsasında İran geofizika şirkəti reallaşdırıb. Cənubi Qızıl Bayraq və Koşkuduk yataqlarında fəaliyyətdə olan quyuların sayı iki dəfə artaraq üç quyudan altı quyuya çatdırılıb. Ümumi debit isə üç dəfə artaraq 22 tondan 65 tona çatıb.
Neft-qazma işlərini müqaviləyə əsasən "Tuha" Çin şirkəti həyata keçirir. "Tuha" şirkətinin apardığı qazmaların kommersiya sürəti ay ərzində 1000 metrdən artıq təşkil edir. Bir neft quyusunun tikilməsi orta hesabla 3-3,5 aya başa gəlir. Digər buruq podratçısı "Eriel" Çexiya şirkətidir. "Eriel" üç neft quyularında qazma işləri aparır.
2008-ci ilin mart ayında "LUKoyl Oversiz" şirkəti SNG Holdings Ltd-qrupunun 100% hissələrini əldə etmək məqsədi ilə "Soyuzneftqaz" QSC ilə anlaşmasını sona çatdırıb. Sözügedən qrupa məhsulun birgə bölünməsi (MBB) müqaviləsində tərəf olan "Soyuzneftqaz Vostok Limited" şirkəti də daxildir. Müqavilənin ümumi dəyəri isə 580 mln. dollar təşkil edir.
MBB-nin ikinci pay sahibi isə Özbəkistan dövləti tərəfindən səlahiyyətləndirilən "Özbəkneftqaz" Milli holdinq şirkətidir.
Müqaviləyə daxil olan Cənub-Qərbi Qissar ərazilərində Carkuduk-Yanqi Qızılca, Qumbulak, Amanata, Paçkamar, Adamtaş qaz-kondensant və Cənubi Qızıl Bayraqla Koşkuduk neftqaz-kondensant yataqları da daxil olmaqla yeddi yataq mövcuddur.
Dövlət Geologiya Komitəsindən Trend -a bildiriblər ki, yataqların geoloji ehtiyatlarının həcmi 100 milyard kub metr qaz və 6 mln. ton karbohidrat təşkil edir. Müqavilə obyekti olan ərazilərdə 3 milyard kub metr qaz və 300 min ton maye karbohidrat əldə olunması proqnozlaşdırılır. Bu səviyyəyə 2012-ci ildə çatmaq nəzərdə tutulub.
Müqavilə obyekti olan ərazilərdə işləmləri SNG Gissar Operating şirkəti həyata keçirir.
Layihənin tam olaraq həyata keçirilməsi 700 mln. dollar həcmində dəyərləndirilir.
Məqalə müəllifi ilə əlaqə ünvanı: [email protected]
