Azərbaycan, Bakı, 02 mart / Trend , müxbir E.İsmayılov /
"2009-cu ilin yanvar-fevral aylarında Xəzər Boru Kəməri Konsorsiumu (XBKK) səhmdarları "Yujnaya Ozereyka-2" terminalında CPC Blend markalı 5,7 milyon tondan (təxminən 45 milyon barel) çox neft boşaldıb. Ötən ilin analoji dövründə bu rəqəm 4,8 milyon ton (təxminən 37,5 milyon barel) olub", - XBKK-nın mətbuat xidmətindən məlumat verilib.
Fevralda səhmdarlar 2,7 milyon ton (21,2 milyon barrel) neft boşaldıblar.
2008-ci ildə XBKK səhmdarları, terminalda 31,5 milyon ton neft boşaldıblar, 2007-ci ildə isə bu rəqəm 32,6 milyon ton olub.
CPC Blend neftinin sıxlığı 812,3 kq/м3, kükürd tutumu - 0,53 faiz təşkil edir. CPC Blend-in bir tonunda 7,8 barel neft var.
Həcmlərin nəql və boşaldılmasını (qoşulma ardıcıllığı ilə) həyata keçirən XBKK yükgöndərənləri aşağıdakılardır:
- "Tengizşevroyl" - bağlanmış müqavilələrdən birincisi - tədarük olunan əsas həcmlər sistemin əsas yüklənməsini təmin edir,
- "Arman" - XBKK-nın səhmdarı Oryx Caspian Pipeline LLC-nin affilə edilmiş yük göndərəni. Hazırda "Şell"in mülkiyyətindədir,
- "Embamunayqaz" və "Kazaxoyl-Aktobe". XBKK-nın səhmdarı Kazakstan Pipeline Ventures LLC-nin affilə edilmiş yük göndərəni,
- "CNPC-Aktobemunayqaz" - Qazaxıstan hökumətinin giriş hüquqlarından yararlanaraq terminalda həcmlərin nəql və boşaldılmasını həyata keçirir,
- "Litasko" - XBKK-nın səhmdarı LUKARKO B.V. şirkətinin affilə edilmiş yük göndərəni,
- "Karaçaqanak Petroleum Opereytinq B.V." - "Tengizşevroyl"dan sonra həcmlər üzrə ikinci yükgöndərən. XBKK-nın bir çox səhmdarlarının yanında affilə edilib,
- "Nafta Trans" QSC və onunla affilə edilmiş şirkətlər - Rusiya Federasiyasının giriş hüquqlarına əsasən rus hasilatçılarının neftini XBKK-ya tədarük etmək səlahiyyətindədir.
Məqalə müəllifi ilə əlaqə ünvanı: [email protected]