Azərbaycan, Bakı, 03 aprel / Trend /
SOCAR şirkətinin (Azərbaycan Dövlət Neft Şirkəti) "İrqiz" yedək gəmisi Xəzər dənizinin Qazaxıstana aid hissəsində yerləşən "Kurmanqazı" yatağında Rusiyanın "LUKoyl" şirkətinə məxsus "Astra" üzən qazma qurğusuna texniki dəstək göstərəcək. Bu barədə SOCAR-ın məlumatında bildirilir.
Bunun üçün gəmi rəhbərliyi ilə 200 gün müddətinə müqavilə bağlanıb. Gəmi 250 ton içməli su və 400-500 ton yanacaq daşımaq iqtidarındadır.
"İrqiz" əvvəllər yataqda "Astra" qurğusunun yedəklənməsini həyata keçirib. "Astra" artıq yataqda qazma işlərinə başlayıb.