...

ABƏŞ aktivlərinin Azərbaycan balansına verilməsi vergi hesablanması mexanizmini dəyişib – nazir müavini

Energetika Materials 1 May 2009 18:23 (UTC +04:00)

Azərbaycan, Bakı, 01 may / Trend , müxbir İ.Xəlilova /

"Azəri-Çıraq-Günəşli" yataqlarında xarici investisiyaların tam əvəzlənməsi səbəbindən sıfır balansına keçməkdən ötrü xüsusi komissiya Azərbaycan Beynəlxalq Əməliyyat Şirkətinin (ABƏŞ) aktivlərinin dövlətə texniki təslim edilməsi üzərində işləyir. Bu barədə cümə günü vergilər nazirinin müavini Sahir Məmmədxanov deyib.

"Sıfır balansına keçid müddəti 2008-ci ilin martında başlayıb, lakin komissiya texniki təslimetmə üzərində işləyir", - Məmmədxanov deyib.

Sözügedən prosesə hazırlıq məqsədilə Dövlət Neft Fondu, SOCAR və ABƏŞ nümayəndələrindən ibarət işçi qrupu yaradılıb. Onlar aktivlərin dövlət balansına təslim edilməsi formalarını və bundan sonrakı fəaliyyət sxemini müzakirə edirlər.

İnvestisiyaların əvəzlənməsi prosesinin sürətlənməsinə dünya bazarında neftə olan qiymətlər təsir etdi. Sıfır balansı müddətinin ötən il başlamasından asılı olmayaraq ABƏŞ və səhmdarları gəlir vergisi verməkdə davam edir. Nazir müavininin sözlərinə əsasən, texniki heyət səviyyəsində yeni ödəniş mexanizmi razılaşdırılıb.

"Qərara alınıb ki, ABƏŞ və səhmdarları 2018-ci ilədək amortizasiya xərclərinin hissə-hissə ödənilməsi üçün vergi ödəyəcək. Bu mexanizm artıq fəaliyyətdədir. Şirkətlər gəlir və çıxar fərqlərindən asılı olaraq vergi ödəyirlər", - Məmmədxanov qeyd edib.

2008-ci ildə ABƏŞ tərəfindən dövlət büdcəsinə 2240,4 milyon manat gəlir vergisi ödənilib. 2008-ci il birinci rübün nəticələrinə əsasən, ABƏŞ xətti ilə dövlət xəzinəsinə 555 milyon manat, ikinci rübdə 486,9 milyon manat, üçüncü rübdə isə 1107,1 milyon manat daxil olub (IV rüb üçün avans nəzərə alınmaqla).

Ayrılmış tranşlar neftin qiymətinin bir barel üçün 70 dollar nisbətinə nəzərdə tutulduğundan ötən ilin faktiki gəlirlərindən dövlət büdcəsinin yenilənmiş proqnozlarında gəlirlər 1,55 milyard manat həcmində gözlənilir. Lakin ötən il nəzərə çarpan neftin qiymətinin qalxma tendensiyası səbəbindən Maliyyə Nazirliyinin real gəlirləri 1,75-1,8 milyard civarında gözlənilirdi.

Sözügedən xətt üzrə dövlət büdcəsinə 2009-cu ildə 1,23 milyard manat gəlir gələcəyi gözlənilir.

Mayın 1-nə olan rəsmi məzənnə 0,8034 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti