Azərbaycan, Bakı, 12 may / Trend , müxbir İ.Хəlilova /
Mayın 14-də "Azərenerji MMC" və Asiya İnkişaf Bankı (AİB) arasında Manilada, 500 milyon dollarlıq multitranş maliyyələşdirmə proqramı çərçivəsində (MFF) "Elektrik enerjisinin distribusiyasının inkişafına sərmayə proqramı" (Power Distribution Development Investment Program) üzrə məsləhətləşmələr başlayır", - çərşənbə axşamı AİB-in Bakı nümayəndəliyinin iqtisadçısı Rafael Abbasov deyib.
"Azərenerji" bank rəhbərliyi və AİB-in əməliyyat həmkarları ilə çoxtərəfli danışıqlar aparacaq", - Abbasov bildirib.
Onun sözlərinə görə, AİB sərmayə proqramı çərçivəsində layihələrin hazırlanması üçün bir milyon dollar məbləğində qrant ayırıb. Azərbaycan tərəfinə artıq iyunun sonunda başlayacaq texniki yardım üzrə məsləhətçilərin "şort-list"i təqdim olunub. "Azərenerji" məsləhətçilərin siyahısını təsdiqləyib, bundan sonra AİB seçim proseduruna start verib.
Texniki yardım layihələrin hazırlanması, ilk növbədə MFF-in ilk tranşının alınmasına yönəldiləcək.
Sərmayə proqramı aşağıdakıları nəzərdə tutur: uzaq və zəif inkişaf etmiş rayonların kəndlərində enerji balansına əlavə olaraq kiçik hidroenergetikanın eksperimental inkişafının təşviqi; enerji təminatının etibarlılığının yüksəldilməsi üçün paylayıcı şəbəkələrin möhkəmləndirilməsi, paylama və ötürülmə zamanı itkilərin azaldılması, enerji səmərəliliyinin artırılması; yenidənqurma siyasətinin dəstəklənməsi və institusional potensialının artırılması.
Ötən ilin noyabrında, AİB-in vitse-prezidenti Hyu Jaonun Bakıya səfərinin gedişində artıq enerji sahəsində əməkdaşlığın perspektivləri müzakirə olunub. Xüsusilə, enerji mənbəyi, distribusiya və transmissiya sahəsində layihələrin maliyyələşdirilməsi imkanları müzakirə edilib.
Ancaq 2008-ci ildə təsdiq olunmuş Azərbaycanda EÖX-lərin bərpası layihəsi MFF-ə daxil edilməyəcək. Bu layihəyə bank tərəfindən 160 milyon dollar ayrılıb ki, onun ümumi dəyəri 220 milyon dollardır. Layihə çərçivəsində Mingəçevir su elektrik stansiyasından Abşeron yarımstansiyasına qədər ikikonturlu 220 kv-luq enerji ötürücü xəttin tikintisi nəzərdə tutulur. Bununla yanaşı, 220/110 kv yarımstansiyasının 110 kv-luq EÖX-lə birləşdirilməsi də nəzərdə tutulur.
Bu gün multitranş mexanizmi çərçivəsində AİB ilə birlikdə nəqliyyat layihələri realizə edilir. Bunlar üçün bank 500 milyon dollar ayırmalıdır.
Məqalə müəllifi ilə əlaqə ünvanı: [email protected]
