Azərbaycan, Bakı, 11 iyun / Trend , müxbir А.Bədəlova /
BP-nin qiymətləndirməsinə əsasən, Türkmənistanın 1 yanvar 2009-cu ilə təsdiqlənmiş qaz ehtiyatları 7,94 trilyon kubmetr təşkil edir. 1 yanvar 2008-ci ildə bu rəqəm 2,43 trilyon kubmetr olub.
BP şirkətinin dünya enerjisi üzrə statistik icmalında deyilir ki, Türkmənistanın 1 yanvar 2009-cu ilə təsdiqlənmiş qaz ehtiyatları ümumdünya qaz ehtiyatlarının 4,3 faizini təşkil edir.
2008-ci ildə Türkmənistanda qaz hasilatı 66,1 milyard kubmetr təşkil edib ki, bu da 2007-ci ilin göstəricisindən 0,7 faiz çoxdur. BP-nin məlumatında deyilir.
BP-nin məlumatına görə, 2008-ci ildə Türkmənistanda qaz istehlakı 10,9 faiz azalaraq 19 milyard kubmetr təşkil edib.
BP-nin qiymətləndirməsinə əsasən, Türkmənistanın 1 yanvar 2009-cu ilə təsdiqlənmiş neft ehtiyatları 0,6 milyard barel təşkil edir ki, bu da 2008-ci ilin əvvəlindəki rəqəmlə eynilik təşkil edir.
BP-nin məlumatına görə, 2008-ci ildə Türkmənistanda neft hasilatı sutkada 205 min barel təşkil edib ki, bu da 2007-ci ilin göstəricisindən 3,8 faiz çoxdur.
2008-ci ildə Türkmənistanda neft istehlakı 1,7 faiz artaraq sutkada 123 min barel təşkil edib, BP-nin məlumatında bildirilir.
Məqalə müəllifi ilə əlaqə ünvanı: [email protected]