60-70$/barel - Azərbaycanda neft hasilatının davam etdirilməsi üçün səmərəli dəhlizdir - ARDNŞ prezidenti
Azərbaycan, Bakı, 15 iyun / Trend , müxbir A.Hüseynbala /
Neftin hər bareli üçün 60-70$ dəyərində qiymət dəhlizi Azərbaycanda investisiya proqramlarının reallaşdırılmasının və karbohidrogen hasilatının davamı üçün səmərəlidir. Ötən həftə dünyada neftin qiyməti hər barel üçün 65-72 dollar təşkil edib.
"Neftin qiymətləri düşdüyü zaman ARDNŞ bir sıra böyük layihələrin həyata keçirilməsini davam etdirdi və hələ də davam etdirir", - deyə ARDNŞ prezidenti Rövnəq Abdullayev bildirib.
Azərbaycanda 57 neft-qaz yatağı mövcuddur ki, onların 18-i dənizdə, qalanları isə quruda yerləşir. ARDNŞ əməkdaşlarının ştatı hazırda 60 min nəfərdən ibarətdir.
