Qazaxıstan, Astana, 19 avqust / Trend , müxbir K.Konırova /
"Neftin Qazaxıstan Xəzər sistemi ilə nəqli (QXSN) layihəsi üzrə danışıqlar iyulun sonundan fəal mərhələyə qədəm qoyub", - Astanada Trend -ın xüsusi müxbirinə enerji və mineral resurslar naziri Sauat Mınbayev deyib.
Diplomatik dairələrdəki mənbələrdən Trend -a verilən məlumata görə, bu il sentyabrın sonunda Bakıda Qazaxıstan və Azərbaycan prezidentlərinin görüşü zamanı digər məsələlərlə yanaşı, QXSN layihəsinin realizəsi də müzakirə ediləcək.
Trend -a neft-qaz dairələrindən məlum olub ki, QXSN üzrə danışıqları "KazMunayQaz" MŞ SC-nin (KMQ) prezidenti Kairgeldı Kabıldin şəxsən öz üzərinə götürüb. Əvvəllər bu öhdəlik KMQ-nin icraçı direktoru Maksat İdenova tapışırılmışdı. "Kaşaqan" və "Nursultan" neft bloku üzrə uğurlu danışıqların onun xidməti olduğu bildirilir.
"Prinsipcə, belə bölünmə anlaşılandır: Kabıldin QXSN-in yaradılması fikrinin başlanğıcında dayananlardan biridir", - danışıqlar prosesinə yaxın qazax neftçilərindən biri vəziyyətə aydınlıq gətirib.
Məqalə müəllifi ilə əlaqə ünvanı: [email protected]
