Azərbaycan, Bakı, 17 oktyabr / Trend /
Yanvar-sentyabr aylarında ARDNŞ-in neft-qaz idarəsi ölkənin ofşor və onşor yataqlarında 40,1 milyon (təxminən 5,5 milyon ton) bareldən çox neft hasil edib, bu barədə ARDNŞ-dən bildirilib.
ARDNŞ-in payına xarici şirkətlər ilə birgə layihələrdən təxminən 10,2 milyon barel düşür ki, onun da təxminən 1,4 milyon bareli əməliyyat şirkətlərinin payına düşür. "Azəri-Çıraq-Günəşli" layihəsinin payına səkkiz milyon bareldən çox, "Şah Dəniz" yatağından qaz kondensatın payına isə təxminən 740,4 min barel düşür.
Yanvar-sentyabr aylarında ARDNŞ təxminən 5,56 milyard kubmetr qaz əldə edib. ARDNŞ-in neft-qaz idarəsi bu dövr ərzində təxminən 5,2 milyard kubmetr qaz hasil edib. Quruda qaz hasil edən birgə müəssisələr və əməliyyat şirkətləri ARDNŞ-ə yanvar-sentyabr aylarında 49,5 milyon kubmetr qaz verib.
Azərbaycanın Beynəlxalq Əməliyyat Şirkəti "Azəri-Çıraq-Günəşli" yatağında yanvar-sentyabr aylarında ARDNŞ üçün təxminən üç milyard kubmetr səmt qaz hasil edib.
Azərbaycanda 57 neft-qaz yatağı var, onların 18- dənizdə, qalanları isə quruda yerləşir. ARDNŞ əməkdaşlarının ştatı hazırda 62 min nəfərdən çoxdur.
