Azərbaycan, Bakı, 12 noyabr / Trend , müxbir E.İsmayılov/
2009-cu ildə ARDNŞ-nin balans mənfəətinin 1,2 milyard manata yaxın olacağı pronozlaşdırılır. Bu barədə ARDNŞ-nin iqtisadi Məsələlər üzrə vitse-prezidenti Süleyman Qasımov "Vergilər" qəzetinə verdiyi müsahibədə bildirib.
Qasımov deyib ki, bu il şirkətin mənfəət vergisi 277,6 milyon manat həcmində proqnozlaşdırılır.
"2009-cu ildə ARDNŞ-nin büdcə öhdəliklərinin 1,15 milyard manatdan artıq olacağı proqnozlaşdırılır", - Qasımov deyib.
Bu il iyul ayının 1-dən Azərbaycan Prezidentinin sərəncamı ilə "Azəriqaz" ASC İstehsalat Birliyi qismində ARDNŞ-nin tərkibinə daxil olub.
Qasımovun sözlərinə görə, iyuldan başlayaraq dövlət büdcəsində ARDNŞ-nin tutulmalarında müsbət dinamika müşahidə olunur. Şirkət 2009-cu ildə vergi öhdəliklərinin yerinə yetirilməsi üçün bütün lazımi tədbirləri həyata keçirir.
"Yanvar-oktyabr aylarında dövlət büdcəsinə 822,7 milyon manat keçirilib", - Qasımov deyib.
Əvvəllər ARDNŞ-nin məlumatında deyilirdi ki, ARDNŞ Dövlət Sosial Müdafiə Fonduna 94 milyon manat keçirib. Bu, ötən ilin müvafiq dövrü ilə müqayisədə 9,66 milyon manat çoxdur. Oktyabrda sosial fonda 8 milyon manatdan artıq vəsait köçürülüb.
Noyabrın 12-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]