Azərbaycan, Bakı, 08 dekabr / Trend , müxbir E.İsmayılov/
ARDNŞ (Azərbaycan Respublikası Dövlət Neft Şirkəti) 2010-cu ilin ortalarında Tağıyev adına Neft-Qaz Çıxarma İdarəsinin meydanında iqtisadi parkın yaradılması layihəsi çərçivəsində inşaat işlərini başa çatdırmağı planlaşdırır. Bu barədə ARDNŞ-nin ekologiya məsələləri üzrə vitse-prezidenti Muxtar Babayev bildirib. Park 9,3 hektar ərazidə yerləşəcək.
"Layihə bu günlərdə təsdiq edilib. Sahədə hələlik torpaq işləri aparılır, lakin düşünürük ki, gələn ilin ortalarına bütün inşaat işləri başa çatdırılacaq", - o deyib.
Babayev deyib ki, ekoloji parkın yerləşəcəyi sahədə torpağın hazırlanması üzrə işlər aparılır. Həmçinin hazırda külək enerjisindən istifadə məqsədilə elektik enerjisinin istehsalı üçün külək qurğularının seçilməsi üzrə işlər aparılır. Qurğuların gücü sutkada 40 kilovat-saat elektrik enerjisi təşkil edəcək.
Enerji istehsalı üçün istifadə ediləcək günəş batareyalarının gücü 20 kilovat-saat təşkil edir. "Enerjinin alternativ növlərinin istehsalı hazırda ölkənin enerji təhlükəsizliyinin təmin edilməsi üçün aktual və zəruridir. İndi bu sahəyə çox böyük diqqət ayrılıb", - Babayev deyib.
"Ekoloji parkda bitkilərin ekzotik növləri üçün xüsusi zona yaradılıb. 50 min şitilin yetişdirilməsi üçün xüsusi parnik yaradılıb. Daha sonra bundan şirkətin ehtiyacları üçün istifadə ediləcək", - o deyib.
İlkin mərhələdə sahənin hasarlanması və yeni bitki növlərinin şitillərinin becərilməsinə başlamaq üçün lazımi infrastrukturun yaradılması planlaşdırılır.
Ekoloji layihənin ikinci mərhələsində enerjinin alternativ növlərinin tətbiqini genişləndirmək və parkın lazımi enerji ilə təmin edilməsində onların istifadə payını artırmaq planlaşdırılır.
Məqalə müəllifi ilə əlaqə ünvanı: [email protected]
