Azərbaycan, Bakı, 30 yanvar / Trend /
Gəncə şəhərində smart kart əsasında işləyən qaz sayğacları ilə təmin edilən abunəçilərin sayı 39 mini keçib, ARDNŞ-ın məlumatında deyilir.
Yeni nəsil sayğaclarının qurulması qaz itkisinin qarşısının alınması, təbii qazdan istifadənin səmərəliliyinin artırılması və uçotun düzgün aparılması istiqamətindəki vasitələrdən biridir.
Gəncə şəhərində qurulan smart-sayğacların ümumi sayından 39024 ədədi ARDNŞ-ın "Azəriqaz" istehsalat birliyinin hesabına, qalan 127 ədədi isə abunəçilərin şəxsi vəsaitləri hesabına qurulub.
Azərbaycanda smart sayğacların qurulması ilk dəfə məhz Gəncədə başlanıb.
