Azərbaycan, Bakı, 10 fevral / Trend , müxbir E.İsmayılov/
ARDNŞ-in (Azərbaycan Respublikası Dövlət Neft Şirkəti) Ekologiya İdarəsi və Almaniyanın İqtisadi Analiz İnstitutu (DIW econ GMBH) ARDNŞ-in iqlim dəyişikliyi sahəsindəki Strategiyasını hazırlayır. Bu barədə İdarənin rəsmi internet saytında yayılmış məlumatda deyilir.
Strategiyanın hazırlanması çərçivəsində ekologiya idarələrinin,əməliyyat şirkətlərinin, birgə müəssisələrinin və Almaniya institutlarının mütəxəssislərinin görüşləri keçirilib, bu görüşlərdə ekologiya idarələri tərəfindən hazırlanmış bəzi təklif və sənədlərin texniki məsələləri müzakirə olunub.
Tərəflər həmçinin institutlar tərəfindən mövcud ekoloji problemlərin həll edilməsi yolları və səmt qazından istifadə sahəsində edilmiş təklifləri müzakirə edib.
Görüşün sonunda iqlim dəyişikliyinə səbəb olan mənbələrin əsaslı sürətdə öyrənilməsi, onların inventarizasiyasının aparılması, enerjitutumlu mənblərin analizinin aparılması və istixana effekti yaradan qazların həcminin azaldılmasına dair işlər aparılması üçün təkliflərin hazırlanması barədə qərar qəbul edilib.
