Azərbaycan, Bakı, 18 fevral / Trend , müxbir S.Əliyev/
Hazırda ARDNŞ (Azərbaycan Respublikası Dövlət Neft Şirkəti) Gürcüstana sutkada iki milyon kubmetrdən çox qaz ixrac edir. Bu barədə cümə axşamı neft-qaz sahəsindəki mənbə bildirib.
Gürcüstan daha 1,3 milyon kubmetr həcmində Azərbaycan qazını Xəzərin Azərbaycan sektorunda yerləşən "Şahdəniz" qaz-kondensat yatağından əldə edir. Türkiyə isə "Şahdəniz" yatağından təqribən 13,5 milyon kunmetr qaz alır.
ARDNŞ Azərbaycanın Qazax rayonunda iki ölkəni birləşdirən boru kəməri vasitəsilə Gürcüstan bazarında fəaliyyəti çərçivəsində öz qazının Gürcüstana ixracını həyata keçirir. Bu boru kəməri ilə qaz ixracının gücü ildə üç milyard kubmetr qaz təşkil edir.
2008-ci ilin noyabr ayında Azərbaycan və Gürcüstan arasında müqavilə imzalanıb. Müqavilə son beş il ərzində Gürcüstanın qaz bazarında ARDNŞ-yə 2009-cu ildən başlayaraq aktiv fəaliyyət imkanları yaradır. Memoranduma əsasən, ARDNŞ layihənin həyata keçirilməsi üçün Gürcüstan hökuməti tərəfindən müəyyən edilən qaz istehlakçıları qrupunu (sosial qrup) təmin edən SOCAR Georgia Gas törəmə müəssisəsini yaradıb.
Həmçinin 2008-ci ilin dekabrın sonunda ARDNŞ və Gürcüstan hökuməti Kaxeti, Msxeta-Mtianeti, Şida və Kvemo-Kartli, Acariya, Quriya, İmereti, Sameqrelo kimi regionları əhatə edən 30 qazbölüşdürücü təsərrüfatın və qazbölüşdürücü şəbəkənin idarəetməyə verilməsinə dair müqavilə imzalayıblar. Bu şəbəkələr 24 şirkət tərəfindən istismar edilib. Apreldə ARDNŞ azərbaycanlıların kompakt yaşadığı Marneuli rayonunun qazbölüşdürücü şəbəkəsini istifadəyə götürüb.
SOCAR Energy Georgia şirkətindəki mənbənin əvvəlcə bildirdiyi kimi, ümumilikdə, 2009-cu ildə ARDNŞ Gürcüstan bazarına 302 milyon kubmetr "sosial" qaz və təxminən 140 milyon kubmetr kommersiya qazı ixrac edib.
