Azərbaycan, Bakı, 25 fevral / Trend , müxbir E.İsmayılov/
Bu ilin birinci rübündə ARDNŞ (Azərbaycan Respublikası Dövlət Neft Şirkəti) Azərbaycanda üç yanacaq doldurma məntəqəsi (YDM) istismara verməyi planlaşdırır. Cari ilin ikinci rübündə ARDNŞ-nin şəxsi brendi altında fəaliyyət göstərən YDM-in sayı 10 ədədə çatacaq. Bu barədə ARDNŞ-nin rəhbəri Rövnəq Abdulayev cümə axşamı deyib.
"Hazırda 10 yanacaq doldurma məntəqəsinin tikinti işləri aparılır, onlardan üçü ilin birinci rübündə istismara veriləcək, qalan yeddisi isə ikinci rübün sonuna kimi istismara veriləcək", - Abdullayev deyib.
Onun spzlərinə görə, şirkət Azərbaycanda ümumilikdə 26 yanacaq doldurma mıntəqəsi tikməyi planlaşdırır.
Azərbaycanda istehsal olunan yanacağın (ARDNŞ-nin tərkibinə daxil olan iki NEZ-in istehsalı) keyfiyyətinin yüksəldilməsi məqsədilə şirkət Avro-3 standartlarına keçid üçün hazırlıq işləri aparır.
"Həmin standartlara keçid üçün müəyyən yeni qurğuların inşası lazımdır, mövcud olan qurğularda dəyişikliklər edilməlidir. Bütün bu işlər reallaşdırılacaq", - Abdullayev deyib.
Hazırda şirkətin istehsal etdiyi məhsullar Avro-2 standartlarına cavab verir.